الحياة لما تعدى مقلقه،..!!
.....
كسر الازاز مدشوش بيبرق فى الوميض..
ومالوش عزيز على إنه يتلملم حتت..
ولا حتى بيدارى الكسوف م الخوف والانسحاق..
تحت أقدام البشر
وما عدش خير ولا حتى شر..
ومالوش عزيز على إنه يتلملم حتت..
ولا حتى بيدارى الكسوف م الخوف والانسحاق..
تحت أقدام البشر
وما عدش خير ولا حتى شر..
آه م الحياة لما تعدى مقلقه..
ويا إنتشار الأوبئة والموت رخيص
عمال يخبط ع البيبان يحصد الأرواح وهو مختفى
الدنيا ليل ولا النهار هربان خلف غيمه معتمه
لا سيما فرحه بتفلت مرغمه..
تنبت في قلب اللحظة.. إما جنين أو برعمه
تكبر شجر دفيان بيطرح أوسمة..
نطلع سما ونعود كما عصفور جريح
وجناحه ما تحملش ريح..
يكره صفيح مسقوفه بيه بيوت الفقاره
يا ميت خساره.. على اللى عدى من هنا ولا لوش أماره
غير إنه ساكن جوا حارة
والحاره بتسلم لحاره.. لشارع سد.. لا دنيا راح تتهد
ولا جملة بتكمل عبارة..
زى كسر إزاز مدشش بيبرق فى الوميض
ومالوش عزيز علي إنه يتلملم حتت..
يبقى سليم ولا يوم بيعرف لانكساره
رافع جبينه لوش شمس الضحى..
ومالك قراره.
***********************
***********************
