للشاعر عبده الزراع
على أول السكة
ممكن يعدى الليل ويونس النجمة..
شارد يا ضى القلب فى الملكوت
وبتستجير من لوعتك بالويل..
منتاش دخيل فى همهمات الروح
باعك خلاص على أول السكة..
هج حمام الدوح..
ووقعت في الربكة..
والدنيا مش محتاجة ربطة أمل
ولا شبكة..
الكل يجرى ع الصراط فى لمحة البرقة
سكينة سارقانا..
والوقت فايت بيمر وبرقه
نضحك ساعات.. نحزن كتير
طعم الدموع حارقة
فبلاش تراهن ع البكا..
ولا فرحه طارقه ف الأفق
صدقنى مش فارقه.
***********************
***********************
