وقعنا ف غرام ، ابن الحرام ..
محمد خبشي
وقعنا ف غرام ، ابن الحرام ..
وقعنا ف غرام ، ابن الحرام ..
فجأة انقلب ،
وقال
سكوت ..
قلنا تمام ، إنت الإمام
..
وما حد فينا طلعلوا صوت
..
وصفا انتباه ، وشمال
يمين ،
كَتِفَاً سلاح ،
كل الجواري خدامين ..
حاملين سِفاح ..
وكل العبيد ، غنُّوا
النشيد ..
وف الحواري
رددوه ..
بنوا صنم ، زي الغنم ،
قال يعبدوه ..
ويبنوا كمان عجل دهب ..
موسى خلاص وَلَّى وذهب
..
وانا فرعونكم
الجديد ،
عزمي شديد ، قلبي حديد
،
والطريق مليان عَسَس ،
ب يعِدُّوا أنفاس
الجثث ..
واللى رايح ، واللى جَي
..
واللى سايل دمه حَي ..
واللى راسم
حلم مات ،
فوق جبين الأمهات ..
والطريق مليان خَفَر ،
للي اغتنى ،
واللي كفر ..
وكمان بوليس ، عَمَّال
يقيس ،
نبض
السكوت ،
سُمك الحيطان ،
درجة حرارة المجتمع ..
لو حد وَزُّه كام شيطان
،
خلف الشوارع
والغيطان ،
وطلِعْلُه صوت ..
قال كلمة ساعة مَنظَرَة
،
تجرح مشاعر عنترة ..
فما تخافوش ،
إحنا
الوحوش ،
ناشرين بورقة ومسطرة ،
في كل ركن
المسخرة ،
شاريين جيوش ،
وكله تحت السيطرة ..
محمد حبشي
