كيميا الإنسجام
كلمات مرفت جابر
...
..............
لمّا تلقى الحب فايت
من قصاد بابك يا قلبي
يبقى تعمل إنتباه
يعني تدخل بحر حُضنه
وانت ماسك طوق نجاه
لمّا تلقى الموج ف ضدّك
تمشي عكس الإتجاه
وامّا يبقى الموج ف
صفّك
تمشي بالأشواق معاه
يومها ح تلاقي الحياه
جنّه والعصافير بتعمل
بالجناح رقصة سعاده
تلقى نور الدنيا زايد
والزياده كل مادا
تلقى ف العشق العباده
تلقى ف الحب الكيان
تلقى نفسك ويّا نفسك
لك زمان غير الزمان
حتى لو نفس المكان
تلقى ع الرصفان جناين
تلقى ع الأسفلت ورد
وانت نفسك تلقى روحك
ثانيه حر وثانيه برد
تبقى حاجة جديده خالص
حاله هزل وحاله جد
يعني ضد قصاده ضد
بس كلّه ف سكة وحده
تبتدي بالحب لكن
ف النهايه تكون هيام
أصل كيميا الإنسجام
ليها ناتج بس واحد
مستحيل يحصل تباعد
مستحيل يحصل تنافر
مستحيل الإنصهار
حتى لو ف العشق نار
يزرعوا النار تبقى جنّه
يرسموا الشمس ف سماها
وف ترابها تمر حنّه
معجزات الحب دايما
رح تقول ف الحب إنّ
روح يا قلبي سنّه سنّه
للغرام وان شوفته فايت
من قصاد بابك يا قلبي
يبقى تعمل إنتباه
