محمود نوحو ابراهيم
حزن......
=============
مثل صفحات دڤتر
بلاكتابة أيامي
فراغ اسود حزين
خارور سيباط بعز مزنة
مطر حزني بوحشة
غيابك سنين
تصدني لجعة الدمعة
وتلف روحي غربة الذكرة
بورك حرير من الهجر
مختوم بحزن شمعة
من يفك ختم الهجر
گلي
ومن يرد الليل
من عمر الفجر
وانت ودعت الهجر بيا
شتل بردي
وزرعت الدمع بعيوني
وطاف ميا
جسا صبار
يشّلع بعدك أيامي
ويشعل من حنيني نار
وجروح الهجر كلفة
وكلفة حيرة المحتار
بين انك تكون أني
واكون انته
وبين اني اكوننك
وتكونني
واهيم بلوعتي الكلفة
وزى نطار
ياصبر المحب
على الحب
وغبابك جفا مطار
احسبها علي منة
مرني لو سهو خطار
واگولن طرز
بجيته جفن عيني
بكحل معرس
بصوانيه حنيني دار
مرني واسأل الشمعة
مرني واسأل الدمعة
يكللك عليه شصار
تانيتك دفو لبردي
وكلت يرهم على
بردي دفاك ان جار
ياغيبة فرح موسم
زرعتك بالگلب حنطة
وحصدتك بالسبخ صبار
حنين طبعي الطيبة
وجاسي طبعك وغدار
زرعت الدمعة بعيوني
وكتبت بدمي الأعذار
