فى بحر حبك ألف طير غرقان
محمود الداوودي
جريح فى بحر هواكى بصارع الأشجان
أنا مين لى يكونلى دليل.. على لقياكى
ويكون لقلبى حبيب غير موجك العالى
هواكى بحر عميق مالوش آخر
حيتان فى بحر هواكى موجودة عالشاطئ
وفى اول الشاطئ بركان وموج عاتى
موجود في كل بحارك ..ياريت أفوق منه
وأنا مين ينقذنى سواكى من موجك القاسى
.
يا ناس انا هيمان.. فى عمق بحر هواها .
مافيش كلام يتقال ..كل الكلام اتقال
فى عينيكى ميت موال .وكلام مالوش ٱخر
يا ليل انا تايه فى سحرها الفاتن
يا بحر موجك غادر.. أسير فى سجن هواها
يا موج بحرها العالى.. انا جايلك
تواسينى وأحكيلك على همى .. واشكيلك على جرحى
رموش عينيكى بحار.. مالهاش حدود ولا نهاية
جفون عنيكى غرام ..شلال من الأوهام.. عايم على
ظلى عينيكى دى مرايا جواها ألف حكاية
وفى طيف عنيكى كلام. وبحار من الأحزان مرسومة فى
عنيكى .
وفى جفونك جناين ورد ..برويها من دمعى
ما انا اصلى طير حيران ماليش مأوى. غير عينك
وامواجك .
نواحى صقر جريح ..مصلوب على الأغصان
ليه طبعك القاسى ..انا عاشقك.. أسيرك المظلوم
برئ يا ناس مظلوم ..انا عاشق ..فكوا الحبال عنى
خلاص سبونى يا ناس.مانش رايد ولاعايز.غير سجنها
القاسى
محمود الداوودي
