محمد حسني إبراهيم
سيبني افكر
زي كل الناس لوحدي و ف البراح
افتح الصبح اللي جاى لي
واكنس الليل اللى راح
واترمي ف احلامي وحدي
ابقى كوز مليان ب مية
ابقى طير ف سماه وغِية
تجمع الأحلام واكتر
سيبني افكر
يمكن الدنيا ب وجعها
راح تطيب مين يساعها
نفسي مرة اكون فراشة
طايرة على وردك عبيرك
جاى اغني وفين يجيلك؟
اللي ساب للكون طمعها
قلب كان زي الحليب
لو همس دمعه يعكر
سيبني افكر
حتة البت الوحيدة
فكرتي
ضحكة طريدة
جاية من شباك حنانها
تسحِر الدنيا ب مكانها
قلبي بس يدوق أمانها
دوغري يبقى ف حزنه أشطر
سيبني افكر
زي كل الناس وزيي
لو نهارها يبان ف ضيي
راح ل ليل وبنورها كبر
سيبني افكر
طعمي وقت خروجها روحي
وردة بتفتح جروحي
اوعي تبكى او تنوحي
ده الوجع بهمومي يسكر
سيبني وحدي
خلاص ب افكر
***********************
***********************
