محمد حبشي / مصر ..
ب اجمع كَف جنب الكَف ،
واضرب جحش ،
واشتم بَأف ..
وانسى حدودي
في كل ردودي ،
وزي القرد ، من غير
طَبل ،
أعَدي الخط ،
وانط الحبل ،
وزي الوحش أهِد السقف
..
أفوق من حلمي وقلبي
حزين ..
وادلق نار فوق البنزين
،
وازرع صوتي
ورد وفل ..
واوحش روحي قبل الكُل
..
وزي الجن ،
أعجن وألِت ،
عن ابن الباشا ،
و" كلب الست " ..
وقصر رئاسي ،
وفندق ماسة ،
وفلوس تايهة ف كِرش
الساسة ..
وأحلام ضايعة ،
وعالم جايعة ،
وفتة ب لحمة ل كلب
حراسة ..
وافضل وحدي جوة الشق ،
أقول للباطل كلمة حق ..
وارقص غربي ،
ف سجني الحربي ،
وأقول لأ " سورى
" ،
فقدت شعوري ..
واشخط وانطر ،
وأقول " شِت
" ..
يخرب بيت الفيس والنِت
..
وأموت فجأة ، يشيلني
تابوت ،
مضروب جزمة ب سن البُوت
..
مخطوف قسري ،
وإعلان حصري ،
عن مجنون هارب م الموت
،
لابس خِرقة ،
وورقة توت ..
ف احفر قبري من غير زَق
،
بعد ما قص لساني
الدود ،
بعد ما مَص دَمِّي
البَق ..
محمد حبشي / مصر ..
