شعر/ طلعت علي مجاهد
لِيل٠ْ القُبَلْ
نِفْسِي ياليلْ القُبل
تِطْرَح على بابِي
واسْهَرْ معاكْ وافرحْ
وأغني موالي
وانهلْ من الشَّفايِفْ
واسعدْ بِأَحْبَابِي
واعِيشْ معاك الْغرامْ
تِتْبدلْ أحْوالِي
أَشْربْ امان وارْتِوي
ولااعِيشْ أنا خَالِي
اصْحَى يالِيلْ القُبلْ
وفَوَّقْ النَّايْمِينْ
واحْضُنْ مَعَايَا
القمرْ
واغْمُرْنِي شُوقْ
وحَنِينْ
وَصِّيهْ عَليَّه
بِنُورُهْ يِمْلَانِي
يِخْرِجْني من عتمتي
ويروق معاه بالي
يانجم سهران
انت شاهد ودليل
على حُبْ مَالِي
حَشَايَا
فَايِتْلِّي جِراحْ
وأَنِينْ
متقول ياليل القبل
ألقي دوايا فين
الصيدلي فاتني
وبقيت من المجانين
متقول ياقاضي الغرام
ده يبقى شرع مين
صبرت والصبر طال
ونسيت معاه المواويل
متقول ياليل القبل
حبايبي راحوا فين
عشانهم الف بلاد
ولاإني أبات مسكين
__________________
شعر/ طلعت علي مجاهد
***********************
***********************
