محمود نوحو ابراهيم
باجر........
مسأفر
طول عمرك ماكعدت
وياي ياگليبي
سنين العمر تگطع تذاكر
وكلمابجيت لشوفتك
لگعدة تشزرني بقهر
وتگلي باجر
شنهي قصتك ضيگت عمري
بمواعيد الجذب
وخلصت كلشي
وأني اناطر
يجي باجر
أبوس اسمك ياگلب
منهو هذا الاسمو باجر
وين يگعد
بدي أقدمله عريضة
ابديها ياحبيب ياباجر
شيبت موعود بيك
ابوس ايديك
مرني بس ساعة
اشوفك لوأجيك
شتلبس
وشنهو صفاتك
شنهو عطرك
شنهي
يابذات ذاتك
شنهو هالسر بحلاتك
تعبت أتاني ناس أحبهم
وكلشي بحسابك يا باجر
خلصت عمري مناطر
امس واليوم والعمر كله
معلگ بجيتك ياباجر
ماعرفت شگد كبرت
مدري يمكني ماجنت مرة
زغير
من ولدت واني
بالحسرة جبير
لجاي غامض اسَمو باجر
من ولدت وكلشي أحبه يجي
باجر
والأريدة النوب باجر
واللي إشتاك لحضنته
اخرى باجر
سوست
وتخت اعظامي
ومابقى من عمري وگت
أتاني باجر
شنك انت يابعيد
يمحني بالغيبةأحلامي
وكل يوم تلبسلي جديد
وساكن جراحي والامي
يابعيد
وياعنيد
يلي ماتسوى مناطر
ياواكف حارس على أيامي
تگطع لكل الوادم
تذاكر
وأني باجر
ضيگت خلگي بوعودك
جنك قسيت على صبري
ومحنى صبري على عودك
يارخيص وحيل غلاك
المناطر
وذبلت عمري
وماروني ابد جودك
