عزة راجح
بس قومي اتحركي
عزة راجح
ضحكة عنيكِ الطيبين
واحشاني ..
فينِك من سنين ؟!
يا دا العجب ..
بقى للجميله عيون حزينه ؟!
مين يا ناس كان السبب ؟!
يا ساكنه قلبي ومهجتي
روحي فداكِ ..
اموت واشوفك تضحكي
وتغني تاني وفرحتك
تدبح عِدَاكِ
الكون فِداكِ
بس قومي اتحركي
قومي اغزلي حلمك بإيدك
خيطي ..
فستان طويل
ابيض بلون القلب
لون قمري
وَحَشْنَا من زَمَنْ نغم الهديل
يا مالكه روحي اطمِّني
قومي وبلاش كده تحزني
فرْحِك خلاص شايفاه
وقلبي من هنا سِمِعْ الصهيل
فرسان وخيل
و قلوب ما تعرف مستحيل
جيَّه خلاص هتخلصك
وهتخطفك
وتوصلك .. للفرح
زِينه لأحلى زَينه
لنسمة الصبح الجميل
***********************
***********************
