محمود نوحو ابراهيم
نعيب الزمان والعيب فينا
======
==============
لاتگول صار الوگت
غير الوگت والناس
الوگت هو الوگت
وتغير الأحساس
تغير حنين الگلب
والبشر طبعوخاس
َوقابيل هو الغدر
وطبع العرج دساس
احنا انبنينا غلط
فوگ الارض بالساس
والجذب عدنا دين
وعدنا غدر جساس
وعدنا الخيانة دم
وسواسها الخناس
لابّد بنص الروح
وفوگ الضماير داس
وعدنا الجذب مرحبا
ونتمالحا بالكاس
وعدنا النميمة دين
وهمز ولمز بجناس
وعدنا الفضح مرتبة
علينا بيها الراس
وعدنا الغدر مفخرة
بيها الوفى ينقاس
ماهو زمنّا الغلط
احنا الغلط وانجاس
وشما نعيب الزمن
يظل الغلط بالناس
***********************
***********************
