المسحراتي
طلعت مجاهد
رمضان كريم
السعي للخير وحب الغير
أحلي كلام يتقال
وانا صنعتي مسحراتي
منقرأتي في البلد قوال
اقول ياهيما قول لعزيزه
تقوم قوام تعد السحور
الجبنه رومي ويا الزتون
وخياره خضره وطماطمه حمره
كله ياصاحبي من خير بلادي
يالا قوامك لبى ندائي
رمضان كريم
ياخاله ناعسه ليه لسه نايمه
لحد حالا ومصحتيش
هاتي حلاوه وكمان حليب
وإياكي تنسى كوم قراقيش
والله السحور من غيرك انت
ياست كامله مايهناليش
رمضان كريم
اومي قوام أصل الادان
قرب خلاص متكسليش
الفجر هل بالخير وطل
للي صلى وصام وزكي
وتلا الكتاب وقال ياصبر
قرب تعالي متنسنيش
رمضان كريم
____________________
بقلمي/طلعت مجاهد
ج مصر العربية أجا دقهليه
***********************
***********************
