Zylfo Goxhari
TË DUA RINI !
Sa e vështirë është,
Ti thuash jetës të dua,
Shkronjat të duken re,
E vargu mjegull e harruar,
I them më fal tokës,
Përulem në çdo hap që hedh,
Ajo rënkon, prapë buzëqesh,
Më përkëdhel,më jep shpresë,
E më thotë:-Bir të dua!
Sa e vështirë është,
Të njohësh veten,jo në pasqyrë,
Atje në një labirint të pashpresë,
Kur varka e përmbysur të merr,
E të zhyt poshtë nënë dallgë,
Del mbi to e mbushesh me ajër,
I gëzohesh kaltërsisë së pa anë,
Shtrihesh mbi rërën e lagur,
Jetës i thua të dua,më fal!
Sa e vështirë është,
Të të jesh hipur mbi një kalë,
Të pranosh se ka ardhur koha,zbrit,
Shokut dhe mikut i kthen shpinën,
Dhe i tregon një mjekër të bardhë,
Po qimet e bardha s'janë gjë tjetër,
Hua nga bishti i kalit i ke marrë,
As unë,as ti s'jemi kalorës,
Jemi hipur mbi një kalë gërdallë!
Sa e vështirë është,
Të jeshë një legjendë e vjetër,e jetës,
Njerëzit legjendë s'kanë brirë në ballë,
Të thjeshtët një shteg e lënë hapur,
Dhe toka i pranon, u jep një varr,
Pse tregohemi kokë gdhe dhe jetën,
Jetën e shikojmë të gjithë ne,e vjelim,
Kur një fshatar të pyet,do t'a dish ku vete,
Hyr brenda, kapitenit i thuaj më fal!
Sa e vështirë është,
Të jesh heroi i kohës më moderrne,
Modernizimin e bje lulja më e bukur,
Fjala e thjeshtë e së vërtetës,rinia,
Po ku është,ku mund të jetë,
Është futur në kanalet e legjendës,
Një komb pa rininë është i vdekur,
Nuk flas për luftë brezash,
Doni luftë brezash për rininë faleni jetën!
Sa e vështirë dhe e lehtë është,
Jetës t'i bjesh në gjunjë,t'i falesh,
Faliuni më të bukurës, natyrës
,
Sa vlerë ka jeta,kur se njeh vetveten,
Mos e kërkoni pasqyrën nëpër kanale,
O njerëz,mos u këndoni lirikave pa prika,
Ndiqeni ashtu si dini nusen në valle,
Se hodhi këmbën e majtë a të djathtë,
Besoni është bijë e një toke halle madhe!
Sa e vështirë është, të të them,
Rini,ti je lulja më e bukur e jetës,
Zërin tënd e dua,gjer në amëshim,
Rini, të dua me krahët e shqiponjës,
Ti dhe vetëm ti je lulja më e bukur,
Lulja më e bukur e vendit tim,
Mos ma vrisni bukuroshen e vendit tim,
Mos ma degdisni diku larg,sa larg,
E dua zonjushën rini në tokën e praruar!
301/2023
