وجثة حِلم كان لسه
بيحلم خيرُه .. يدِّيكِ
يا وجعِك آااااه ياطول صبرك
ووجعي في انتظار جَبرِك
وجع ناسِك وعشاقِك
بحالك وبعَجَب أمرِك
وحشنا عنيكِ تجمعنا وزي زمان
في حضنك تكبر اللمَّه
تزيد هِمَّه
وصوتِك يحكي كان ياما كان
ومن وحيِّك
تقييد السكه أدامنا
ونرسم كل احلامنا
صبيه واقفه بتحارب بقوِّة قلبها الفارس
وسيف الحق وايمانها
بان الرب نور حارس
بترفع راية العزة
ولو غدر الزمن قارس
بتبني ف قلبها مادنه
ويعلا بنبضها الآذان
في حضنك .. تكبر اللمَّه
تزيد الهِمَّه ١٠٠ هِمَّه
وناخدِك جوه ف عيوننا
بهيه معاها وعشانها
هنبقى جيوش
نجيب الحق لو كامن
ف بطن وحوش
اكيد عارفه وكمان عارفين
جبانه خطوة الخاينين
و قشه قوة الماصين
بنابهم من عروق دمك
فايه همِّك ..
ولا يهمِّك
نيابهم قوه كدابه
ولحمِك مُر ..
علشان لحم الجميله حُر
ولا يهمك ..
هيرجع تاني بينا القطن ويفتَّح
بقلب ابيض ..
يغنيلك
يزلزل بالغنا .. ليلك
يبوس نيلك
وتاني هترجع الغله
وتبقى اكوام
عليها يطير حمام قِمري
يفيض خيرك يزول ليلك
واشوف ف عنيكِ ضحكة حب
بتبدر حَب
وتفتح سكه للإلهام
لا انا باهذي ولا باحلم
بجد بقلبي شايفاك
ومهما يعملوا فيكِ
حبيبتي الاقوى م الايام
ولا يهمك ...
أكتب تعليق