صباح الخير يا مصر
للشاعره منى شوقى غنيم
اللهم ارحمها واغفر لها
*************************
صباح الخير
يا حرة يا اصيله
ياام الضفاير يا سمرا
صباح الخير
ياحدوته مصرية
فيها أتولد نجيب وزويل
يا قصيدة في عيون كل الشعرا
صباح الخير
يا أرض الخير
يا ضحكة طفل جميل
يافرحة كل حزين
صباح الخير
صباح المسك والعنبر
يازهرة في حضن النيل
يالي عشاقك بالملايين
صباح الخير
يا مهد الحكمة
يا أرض خصبة وولاده
صباح الخير
يا تمرحنه
ياعروسه
يا حته من الجنه
يا عاشقة واحنا عاشقينها
صباح الخير
بين شاطين ومايه
ليلي واقفه تغني
وسومه في ليلة العيد
الله على العندليب
لما لمصر يغني
وشاديه تقول يا بلادي
وشعبك معاها يردد
بحبك يا مصر
صباح الخير
يا أمي
يا اغلى من روحي ودمي
يا حب محفور جوه قلبي
صباح الخير
يا مصر
***********************
***********************
