همسة من الأحلام

من حقى أحلم
من حقى أتخيل
من حقى لو يوم
سكت الكلام
من حقى أتكلم

مابين ضلوعى
شايلة الهم
فاردة إيديا فى الهوا
يمكن أطير
يمكن فى يوم
ألقاك
يمكن فى يوم
الشمل يتلم

وشوشت الطير المسافر
وبعتلك معاه مرسال
طمنى عامل ايه
و ياترى لسة فاكر
ولا ما بقيتش مالبعد تهتم

لو الوعود ما بتنتهيش
وحضن الأ م ما يدفيش
هصدق ساعتها
انك من غيرى
تقدر تعيش

قالولى إحلمى على أدك
بينك وبينه مسافات
لا هترجعى الزمن
ولا تعوضى اللى فات
قولتلهم سيبونى
بس أحلم
ده الحياه فى أصلها
حلم

كنتم مع
همسة من الأحلام
للشاعر ✍️
سامى عبد السلام

***********************

الوسوم: سامي عبد السلام شعر فيديو

فنون