إيقاع خنوع
...................
...................
لحظة ميلاد القصيده
ترفض حروفَك كلها تملا الصور
الشهقه خارجه م الضلوع
إيقاع خنوع
البحر مش وزن الخليل
شكلك قتيل
سيبويه زهق ...
من تشكيلاتك الخطأ
الكسرة موت ...
كل الدفاتر ف انكسار
نَحْوَكْ خطر
حتي السكون
لابْدَه علي حدود السطور
عماله تاكل جتتك
صوت انتشارك دم نازف م الوريد
ومواء قطط
دراويش بتستني المدد
يادي الشَطَطْ
يتسوِّل المضمون لغه
تكتب حلاوة روح
قواميس غريبه بتطردك
ومجمَّعة فصول السنه ...
ف هيكل صور
تدبح شهادات الميلاد قبل المخاض
تعلن وفاتك في الجهات الأربعة
ويبات شتاتَك ع الرصيف ...
من غير أثر
..........................................
سمير فرج عبد القادر
ترفض حروفَك كلها تملا الصور
الشهقه خارجه م الضلوع
إيقاع خنوع
البحر مش وزن الخليل
شكلك قتيل
سيبويه زهق ...
من تشكيلاتك الخطأ
الكسرة موت ...
كل الدفاتر ف انكسار
نَحْوَكْ خطر
حتي السكون
لابْدَه علي حدود السطور
عماله تاكل جتتك
صوت انتشارك دم نازف م الوريد
ومواء قطط
دراويش بتستني المدد
يادي الشَطَطْ
يتسوِّل المضمون لغه
تكتب حلاوة روح
قواميس غريبه بتطردك
ومجمَّعة فصول السنه ...
ف هيكل صور
تدبح شهادات الميلاد قبل المخاض
تعلن وفاتك في الجهات الأربعة
ويبات شتاتَك ع الرصيف ...
من غير أثر
..........................................
سمير فرج عبد القادر
***********************
***********************
