ألف ليله وليله 2021
لما كانت الليله الخامسه بعد المائه الرابعه
جلس الملك شهريار فى إنصات
وأمر بإغلاق كل الموبيلات...والتابلات
بدأت شهرزاد تحكى الحكايه...من البدايه
بلغنى أيها الملك السعيد...ذوالرأى الرشيد
ولكن شهريار...كان محتار
يشفط من الكانز ويفكر
وفى مستقبل التعليم كيف يدبر
كيف يقضى على فيروس الدروس
والمدرسين اللى بيلموا كل الفلوس
قال ياشهر زاد إحكى لنا نعمل إيه
وهاتى من حكاياتك حل نعمل بيه
أنا قلت للوزير الناس إشتكونى
قال ح أخلى لك التعليم إليكترونى
قالت ..مافيش فى حكاياتى حل يرضيك
غلب حمارى وإحترت فيك
خليك مع أفكارالوزير الجديده
هو اللى ح يخلى المدرسين ع الحديده
سيبه يجرب التعليم الاليكترونى
ويلغى السبوره والطابور اليومى
ده عنده خطه للتعليم مدروسه
يمكن
تنفع للمحروسه
وهنا أدرك شهرزاد الصباح
فسكتت عن الكلام المباح
-----------
كلمات... د احمد الخواجه
***********************
***********************
