السجين
محمدالبحيرى
اب /
جوا السجن كنت
عايش
بس عيشة صعبة
مرة
نفسى أبكى بس حايش
والدموع
مش مستقرة
نفسى احضن كل غالى
من عيالى والمعارف
بس كان في بينا سد
مش مفوت اى حد
لما العيد كان ع المشارف
وحشنى يا بنى
ياما
نفسى اكون معاك
نفسى اضمك جوا حضنى
نفسى اغير مستواك
بس هانت يابنى راجع
باقى عمرى اعيش معاك
ابن /
ايوا يابا كل بيتك كان
ظلام فى عز ظهر
والايام سقتنا حنضل
والعصير كان صبر مر
فين ايام حلمك و فرحك
فين ايام كانت تسر
وحشنى يابا
من سنين
قولى مين يشغل مكانك
قولى مين يبدر محبة
ولا فين اشوف حنانك
كل فرح
الدنيا يابا
يوم خروجك بالسلامة
لما اضمك جوا حضنى
تنقسم
بنا ابتسامة
تملا كل
الكون محبة
حمدلله
يابا ع السلامة
محمدالبحيرى
***********************
***********************
