الحلقه التاسعه من المسحراتي
مسحراتي منقراتي في البلد قوال
_____________________
مسحراتي منقراتي في البلد قوال
اقول الكلمه جواها حكمه
اصحى وصحصح أوام ياخال
ياأهل مصر الطيبين
خلوكوا عصبه دنيا ودين
النهر حابي عمال ينادي
متقلقوش انا بين ايديكم
مهما يكيد ستين لئيم
رمضاااااااان
كريم
ياعم احمد قول لابراهيم
نيلنا الامين عمره كريم
ولامره واحده كان بخييل
وانت يامريم قولي لماريه
والست ماري وابله سعاد
نيلنا الكريم طول عمره
حافظ ليكوا
الوداد
رمضاااااااان
كريم
الحلقه تسعه خلصت
اوام
بعد السلام وبدون كلام
ياعم فتحى صحي المدام
تعمل سحور لأجل الصيام
رمضاااااااان
كريم
وانت ياشادي إياك ترازي
مع تيته فاطمه والا ايمان
ساعة السحور خليك شكور
كل من أمامك قلها لنا طه
خير
الاناااااااام
رمضاااااااان
كريم
__________________
مسحراتي منقراتي في البلد قوال
شعر الاستاذ /طلعت مجاهد
ج مصر العربية أجا دقهليه
