شخصيتي كدة
الشاعر الفنان حسن فؤاد
شخصيتي كدة
...
للناس أنا كتــــاب مفتوح
كلمتي للكــــــل واضحـــة
معنديش اللي يخليني مفضـوح
يوم أتطاول ع النــــــــاس البجحـة
...
قلمي عايش الحريـة بالكراريـس
مش محطوط له أي متــــــاريس
مين يشغلــه بترقيص وحنجلــــــة
و هو أستــاذ تدريس الأحـاسيس
...
بكتب في حالي و أحوال الخلـــق
كلآم متداري إنما صريــح
بكتب إحسان الظن برب الخلــــق
بعد ولآدة حتى الضريــح
...
معجبنيش مفاهيم بعض الناس
خصوصـــاً معدومي الإحســــاس
الأيــام قدامهم كل لحظة تتطور
و دماغهم نفس دمــــاغ الأنجاس
...
منهـــم مُغتـاب و مُتَلَسِّنْ
ويقـــولك فيـــن التحســن
تذكره إن الخلق طبقـــات
يعملك حركات مِتْمَسْكِـنْ
...
شاري موبايل بكـــذا ألف
عامل فيها إبن بـارم ديله
حياتـــه هـواء بدون بلــف
مش عارف يلضـم خيطه
...
عشان كدة ؟
...
للناس أنا كتــــاب مفتوح
كلمتي للكــــــل واضحـــة
معنديش اللي يخليني مفضـوح
يوم أتطاول ع النــــــــاس البجحـة
.....
