كلماتي والقائي
ابو كريم
قصيدة مش دي مصر
مش دي مصر
اللي بتشوفوها
في الاعلانات
و اللي بتظهر
في المسلسلات
مصر الحقيقيه
طفل ساكن الرصيف
عشان اكل عيش
ولا تذكره مترو
وكوم ظروف
واحساس مبيسالش
في حروف
انا اللي عايش
في بلدي زي الضيف
انا اللي ما سهر الليل
شقيان في شوارعك
عشان يذوب حق الرغيف
انا دم الغلابه
اللي تحت القضبان
بسبب الاهمال
انا اغنيه شهيد
اللي مات على الحدود
بدون ذنب
انا صوت مبحوح
وسكات مفضوح
بس انت ما بتسمعش
انا اللي من كثر
مابخبي الوجع
مبقتش حاسس بيه
ما هو قلبي ياما اتوجع
وملقاش احد يواسيه
سيبين بيخبي في دمعتي
والحزن ملازم طلتي
ومهما بهرب من الوجع
بلاقيه ساكن وحدتي
***********************
***********************
