__________(الصَّبر)________
حامد حبيب
*****
بالصبر......... تِقدَر
ع الآلام وتمُر
مسيرها تتعدِّل وتِحلى
بعد المُرّ
صعبة
الحياة.......والصبر بيهوِّن
والّلى هَيصبُر ..راح
يجيه مايسُرّ
********
الدنيا
بتعانِد...................ولابتدّى لِحَد مُناه
بالصَّبر
تغلبها.......... . .....بسّ تسعَى معاه
لا تبكى يوم ......
ولاتعجَز ......ولا تيأس
إعزِف نشيد الأمل..رفرف
وطير فى سماه
********
مين فينا
مابينجِرِح م الدنيا
والأيام
بس اللى عندُه أمل فى
المولى ماينضام
الورد لو
تقطُفُه راح يجرحك
شُوكه
كده النعيم
محفوف بالشوك وبالآلام
********
والصبر أحسن دوا للّى
انكوى ...ياسلام
واللى بإيمانه
ارتوى...راح تُحضُنُه الأيام
خُد عهد على
قلبك...........يستقيم ويّاك
ولايستكين
للألم...ولايمشى ورا أوهام
*********
وارضى
بالمقسوم..........تلقى الأمان فى الرضا
واصبر على
المكتوب..مايضيعشى صبرك سُدى
بُكره يجيك
الفرح.................... م الواحد العلّام
