من طين
الشاعر /إبراهيم عبدالفتاح شبل
من طين
ليه كدا تنسى اننا مخلوقين
من طين.
إن الطين طارح منه السنط
والياسمين.
إن القبح فينا ومنا بيكبر
كالسنين.
طهر روحك هيزيدك التطهير
آنين.
لأننا مسيرنا للتراب راجعين
ونكون طين .
لازم تعرف أننا مش في الحياة
دائمين.
بدوس على مين كنا بحبكم
دايبين.
اصحوا يا بني أدميين اصلنا
طين.
برحمة رب العباد فينا كدا
عايشين.
ليه على طبع الفطرة مش
واخدين.
عايشين عقارب وضباع مع
تعابين.
وننسى إن الحياة أصلها شرع
ودين.
أصحو يا غافلين احنا بالتراب
نايمين.
لا هينفعك بجد لامال ولاجاه
ولاسلاطين.
هتيجي للتراب وحدك توفي
الدين .
امسك حفنة تقولك احنا بالعدد
ملايين.
طب ليه تايهين وع الصراط ليه
ضايعين
قلوبنا لازم ترجو العفو من رب
العالمين.
الشاعر /إبراهيم عبدالفتاح شبل
***********************
***********************
أكتب تعليق