ياإبن البلد....من أشعار بيرم التونسى
ياإبن البلد....من أشعار بيرم التونسى
--------
يا
مصر ياللى جمالك جالب السواح من بره
جايين يقضوا ليالى
كلها أفراح ومسره
جايين
يشوفوا جهودك إيه فى الإصلاح ياحره
ويشوفوا
آثار تاريخك واللى عدى وراح بالمره
يلاقوا
لبشة قصب فى شارع الهرم ممصوصه
وبذرة
المنجه ويا بذرة الشمام مفعوصه
وتين
بشوكه قشوره فى الطريق العام مرصوصه
يلاقوا
البسكليت رابط ثلاث خرفان جزارها
يتلوى
بيها ويحجل فى ميدان سليمان فى نهارها
يكرهك
فى البتلو والبقر والضان منظرها
وع
الرصيف النضيف الضهر ناس قاعدين بيتغدوا
وجنب
قشر البصل والسرت والسردين يتمدوا
لا
بالنصيحه ولابالزجر والقوانين يتصدوا
وتنادى
عليهم ساعتين إصحوا يانايمين ما يردوا
يا
إبن البلد دى البلد مكتوب عليها إسمك
وزى
ما تكون شوارعها يكون رسمك
حافظ
عليها كما تحافظ على جسمك
لا
تشمت الناس ولا تفرح عليك خصمك
***********************
***********************
