عرش قلبي
كلمات مرفت جابر
.............
شوفت
بكره ف عين حبيبي
قولت
عايزه من دا ياما
دا
ف هواه سكّة سلامه
والندامه
ف بُعدي عنُّه
دي
الطيور للحب غنّوا
لمّا
عدّى يادوب قصادهم
قولت
ما يحبّوا براحتهم
قلبه
ليّا وبس وحدي
وابتديت
أعلن تحدّي
ع
اللي موجود ف المكان
عمري
ما اخسر ف الرهان
أصلي
واثقه ف كل حاجه
مش
بلاهه
مش
سذاجه
إنما
شعور الغرام
إللي
ساكن جوّه قلبي
خلّى
عين الشوف تشوفني
جوّه
نفسي ف نفسي ملكه
عمر
قلبه ما يبقى شركه
عمر
ما يسيب عرش قلبي
لجل
ينزل للجواري
شايفه
قلبه بعمره شاري
نظرة
الحب ف عينيّا
واللا
ضحكه تكون شقيّه
قلبي
يحدفها ف طريقُه
عارفه
إنّه بيصحا بدري
لجل
بيّا يبل ريقُه
واللا
يتوضّا بملامحي
إللي
جوّه ف قلبه قاعده
إي
حد ف يوم يحاول
ع
الغرام يعمل مزايده
مش
ح يقدر مهما يعمل
مش
ح تيجي معاه بفايده
نجمة
الحب اللي قايده
رح
تنوّر كل ليله
واحنا
مشاعرنا الجميله
كل
يوم عن يوم تزيد
والعيون
لو نار تقيد
مش
ح تحرق غير قلوبهم
إللي
شايله الغِل لينا
إنما
ح تكون علينا
ف
الغرام ..
برد
وسلام
