رباعيات الشبل
الجزء السابع
(أبويا )
أبويا اللي بيه يفتخر
يازمان
عايش في الروح وفي
المكان
مدرسة نور كلها علم
وإيمان
أبويا رمز وفخر دايما
للإنسان
أبويا صورتك بقلبي مش ع
الجدران
بتحيي فيا ذكريات
زمان الجدعان
وازاي كنت بتعلمنا حب
الوطن والقرآن
أبويا سيرتك بين الناس
هبة من الرحمن
أبويا ياشمس النهار
وقمر الليل
يا معلمني السير وكل
جميل
يا طارح الأمل جوا كل
عويل
ابتسمتك صدقة ملهاش
مثيل
أبويا يارمز الصبر فاق كل حدود
يا اللي ورد حبك لينا
طارح بالخدود
ياشجرة بتثمر الخير
وظلها ممدود
بسيرتك بين الناس تكون
محمود
أبويا يانور الفجر
المتوضي
بوجودك كان ينور خدي
ومحدش في يا أبويا قدي
ولا مخلوق يقدر يدوس
حدي
أبويا ياهرم عيوني
الأول
على حسك كنت بالدنيا
أتجول
فاتح صدري ولايوم منها
اتسول
كنت دايما عوزيني
الألفه والأول
أبويا ياعطر الأنبيا
والأوليا
دعوتك ستر وكنز مدخر
ليا
مكنش الدنيا شغلك
اوقضيا
هزمت الدنيا بنفس راضيا
أبويا ياابو العرق فينا
سبيل
أنت في العطاء ملكش
مثيل
جواد وشاكر وعمرك أصيل
زي النيل لما بالخير
يسيل
على فراش الموت بتنصحني
خلي القليل كومك وايه
يعني
واوع يقل نوم وبعيونك
ألمحني
انا مفارق وبدعوتك
ليا اجيبني
ابوالأشبال الأسد اللي
مفيش منه
كان رمز للعمل والزمان
مانال منه
الفجر بنوره اكتمل
والوضوء منه
بيشد رحال الأمل والعطر
فاح منه
رباعيات الشبل
الجزء السابع
(أبويا )
الشاعر / إبراهيم عبد
الفتاح شبل
