¤ وعود الكابتن مارادونا ..
محمد حبشي
.
أوضة بسيطة ، هدوم
مقطوعة ،
ضحكة عبيطة ،
وناس مخدوعة ،
ب قُلة وكنبة وحلة وكوز
،
وبراد شاي لاوى البوز ،
لمّا شاف
فوق البوتوجاز ،
طبق الفول مليان ب
السوس ،
والمش جاسوس ،
فرحان ب الدود ،
والحرب بسوس ، ومافيش
إنجاز ..
يا شجرة توت ،
مش عايزة تموت ،
دخلنا محدود ، فين
الإعجاز ،
في طريق مسدود
مليان ب وعود ،
وفطار في تابوت على
لمبة جاز ..
جارتنا جليلة ، ست
جميلة ،
عينها بصيرة ،
إيدها قصيرة ،
عاملة وليمة ، تكَفي
العيلة ،
فارشة حصيرة ، شايلة
الليلة ،
وحَطة بليلة ،
بس خطيرة ،
جبنة قديمة ، عسل
وفطيرة ..
وجيش جرذان
زى الدبان ،
ترمى الإبرة صوتها يبان
،
ف لحظة كلوها ،
ولا خَلُّوها ،
تشيل فتفوتة ل واد غلبان ..
وبنت فريدة ، ماسكة
جريدة ،
قاعدة ب تقرا جنب السور
،
تداري بيها
خُرم ف حيطة ،
تداوي بيها إزاز مكسور
..
وعيال عاملة
دوشة وزيطة ،
وعالم حافية عشان الطور
،
غَمَّى عنيهم ،
أُغم عليهم ،
غَلَّى المايه ،
وطَفَّى النور ..
هَد بيوتهم ،
خَد من قوتهم ،
بكرة ح ييجي علينا
الدور ..
ماهى غلطتنا فضلنا
نطاطي ،
سَدِّنا عالى ،
ودخلنا واطي ،
سمعنا وعود حنتوسنا ال
هيرو ،
جُعنا سنين
وما شفناش خيره ،
كدب وغش كلام مَطاطي ،
وملايين رايحة يا عبد
العاطي ،
على شياطين
ك روبرتو دي نيرو ،
كانوا وعدونا
ب قصر مادونا ،
قام مارادونا حلق لنا
زيرو ..
يخرب بيت إذاعات
البانجو ،
على إشاعات قنوات
ماسبيرو ..
محمد حبشي/ مصر ..
