دموع القلب
حامد حبيب
دموع القلب دى
أصعب تملّى من دموع
العين
وقلبى ف ألمُه كان يشرب بصبره حتى دمع العين
عشان مايدارى فى ألمُه
ولايبانشى لِحَدّ حزين
____
يفوت الليل عليه بِطولُه............نشيجُه يئن فيَّه أنين
وابات ماسمحشى لدموعى تفُك سجونها مهما يكون
لَتِتعوّد وتخدعنى .....
وأشوفها بتجرى ع الخدّين
_____________
وابات صابر وانا راضى.......مادا المكتوبلى ع الجبين
ومهما أن بُحت بالشكوى ...فمين يقدر يداوى مين؟
واقول يارب أنا عبدك............على بابك ذليل مسكين
لطيف ياربّى بعبادك..............مليش غيرك يارب مُعين
***********************
***********************
