آكل السحت
طلعت مجاهد
يالي أكلت السحت
هتقول لربك ايه
يوم الحساب والعرض
شكلك هيبقى ايه
لما جمعت الحرام
أكوام على أكوام
دهب مع أطيان
وضحكت ع الغلبان
إياك تكون فاكر
السحت راح يغنيك
ويخليلك هيبه
والخلق تجري عليك
تبقي أكيد غلطان
والدنيا عاميه عنيك
مال اليتيم داحرام
لو تستحله ليك
والربا شين الخصال
في كتابنا حرمه عليك
إرجع لرشدك بقه
وكفايه مايرضيك
من رزق أصله حلال
ربك يبارك فيك
ولو غويت السحت
برده الوبال هيجيك
خد العظه والعبره
من ناس كتير قبليك
________________________
شعرالاستاذ /طلعت على
مجاهد
ج مصر العربية أجا
دقهليه
***********************
***********************
