عگب الموت شعر
باللهجة المحكية
سليم مسلم شهدى.
چني مت و دفنوني
و خيطلي الموت جفوني
آني أدري جيتوني
جيتوني و الله و بساع
و نزلتوا و ياي للكاع
حبيتوني
حبة صدج و حبة جذب
حبيتو و الله عيوني
و آني خجلت
و تغير الحز لوني
جيتو العصر و شلتوني
و بگبري زتيتوني
و رديتو چنتو تحچون
مات الرجال المزيون
يم أمي خليتوني
و أمي تلبس چرغد أسود
و تنادي يا وحيد و اشكد
اشتاكيت زغيروني
و رجعتو لهلنا تسألون
جايين و جا نكضي ديون
و من چيسي چنتو تكرمون
رد فلوسك يا ميمون
بعد الموت عليش تنطون
اللي بحياتي عفتوني
سليم مسلم شهدى.
***********************
***********************
