ولدى الحبيب
صبري مسعد
افهم كلامى
زين
اثبت خليك
جدع
فى ناس كسرها الحنين
وناس بناها
الوجع
اثبت لجل
ابوك
من غيره راح تضيع
آه لو تعرف غلاوتك
انت ف حياته الربيع
اسمع نصيحة
أبوك
راسك دايما
لِفوق
اوعى الغرور
يصيبك
اصحى ياواد
وِ فُوُق
لسة اخواتك
صغار
و انت ستر و
سند
إن هبت رِيح وامطار
اثبت خليك
وتد
صعبة الحياة
كتير
و الحمل ياواد تقيل
خليك دايما
كبير
لازم ياواد
تشيل
اختر اللى
تصونك
وامك نور
عِنيها
إن شالت معاك همومك
احفظ الود
و راعيها
أمك دى
ضى عينك
اغتنم دايما
دُعاها
لخاطرها ربك يعينك
و تدخل الجنة برضاها
وطنك عز و
جاه
هو الحمى
و السكن
الروح والدم
فداه
وترابه لحد و
كفن
نفسى لكلامى تفهم
يا واد وتعمل
بِيه
اعتبره ياولدى
حلم
ولكل الولاد
احكيه
***********************
***********************
