حنان الجوجري
(رسالة إعتذار)
دي رسالة ببعتها
للأصدقاء والحبايب
والحاضر منكم يعلم إلي
غايب
يعني إلي هيقرا رسالتي
بعينيه
يبلغ بيها إلي ماعدتش
عليه
واتساب ومازنچر انا مش
بهواهم
ونادرا جدا لو إتعاملت
معاهم
وعلى فكرة وعشان تبقوا
عارفيني
ومحدش منكم يزعل مني
أنا يا دوب ع الفيس
شوية
ودي ليكم مني رسالة
تحريرية
معظم وقتي بقضيه مع
مفكرتي
بستدعي أحداث تسكن
ذاكرتي
عشان أكتب خواطري
وأشعاري
وأفرح بالجديد من
إصداري
الخاص عندي يا جماعة
ممنوع
والزعل مني كمان مرفوع
ودي مش خواطر ولا أشعار
ده كلام جد وما فيهوش
هزار
وأصلا أنا ماعنديش وقت
فاضي
ويا ريت الكل يوافق
ويكون راضي
وطالما مافيش معرفة
شخصية
يبقى ممنوع إتصالات
حوارية
ويا ريت بلاش نرفع
التكليف
وخلوا التعامل بينا
لطيف
أفتكر مافيش داعي أقول
تاني
وغير كده إلغي صداقتي
وانساني
و هي دي خلاصة الكلام
وليكم مني تحية وسلام
حنان الجوجري
دمياط الجديدة
***********************
***********************
