بلاش فيها بجد نعيش
عزة راجح
بلاه العيش ..
بلاش فيها بجد نعيش
ما اهي الحلوه ..
بتتمنَّع على الحرافيش
بقت غاويه رجال المال
بتتعايق
لناهبينها
وخاينينها
وتهرب..
م اللي قرشه حلال ..
وشقيان فيها وعشانها
بيرضى ولو بضيق الحال
بقت قاسيه وجباره
من الغلبان .. بتدارى
ورغم عاشقها بكيانه
ما خد منها .. غير
التلطيش
كأن فقيرها اصبح عار
بتسحب روحه ليل ونهار
ولو يحييه رغيف العيش
بأعلى صوت تقول له مفيش
بلاش فيها بجد نعيش
كفايه نموت فدا عنيها
نموت فيها وهي تعيش
تحيا مصر والى
الابد عزيزة ابية و رغم انف من ارادوا لها
الهوان والتقزيم
بحبك يا مصر
***********************
***********************
