شعر الاستاذ /طلعت مجاهد
البسمه
لو يقولوا البسمه
تيجي منين
كنت وصلت هناك
أشتريها لو بسنين
وميهمنيش أشواك
يالي انت غاوي النكد
فك وبلاها سهاد
طول عمري بعشق
الضحكه
وامشي وراها بلاد
ولامره هويت
التكشيره
عمري ورب العباد
بس اعمل فيه الزمن
والغدر م الاحباب
خلوني بدري مكرمش
وحزني ع الابواب
ياعم خليك
بشوش واضحك
في وجوه
الناس
ليه تبقى دايما
عبوس
ولافيش حداك
احساس
لو انت باسم
ضحوك
راح يعشقوك
الناس
وتنول ياصاحبي
الرضا
وتبعد عن الوسواس
الله على البسمه
لما تملا الوش
تلقى حياتك هنا
ومافيها ابدا غش
البسمه في وجه
أخيك صدقه
حتى لوكان
في الوش زى المش
---------------------------------
شعر الاستاذ /طلعت
مجاهد
ج مصر العربية أجا
دقهليه
***********************
***********************
أكتب تعليق