إبراهيم شبل
رباعيات الشبل
ما أروعك بجد بجبر الخواطر
سبحان من لأرض والسما فاطر
بالواجب لا مثيل لإنسان شاطر
طالع الأول صح بدون ما يتعب
لواحتاجك الوطن تجيله باكر
___________________
لابد من يوم الأذن لا تسمع ليك
اللسان هيصوم ويحرم يناديك
أصحوا اللعبه هتصول وتجول
أقوم في ثانيه الموت يسلم عليك
____________________
أوعى ياقلبي من سكة الندامه
واتمنى لحبيبك دايما السلامه
واوع تطاطي وتحب الواطي
وترضى في الحب أي ملامه
_______________________
الف سلامه ياقلبي عليك
بدعي ياواد ربي يحميك
وبالعلم تنور وتنال المطلوب
على قد نيتك ربنا يعطيك
__________________
مع ألف سلامه لو هتغور
عمر البنت ياواد ماهتبور
شوف نفسك مابين الكون
أنت شجرة سنط بأرض بور
____________________
خايف عليك يانحل من الدبابير
اصلك بجد عايش طيب وأمير
شاطر بالحب ولجمال الورد تميل
ياقدوة ومثل وعلينا ليك تأثير
______________________
صباحك حلو كالكلام
اللي من القلب يتقال
كلامك مسك ياطيب
ولكل مقام مقال
كلامك بالحب بيدوب
قلب الحجر الصوان
للحب بغني وللأحباب
اهديهم فراولة متقال
________________________
الشاعر/إبراهيم شبل
إبراهيم شبل
٣٠ ديسمبر ٢٠٢١، الساعة ١٠:٢٦ ص ·
معايا القلم
ماشي ومعايا القلم
بكتب تاريخك بالعلم
ترفعني للقمم
وارفعك بين الأمم
ماشي ومعايا القلم
ليا بصمه بكل دار
واحول ليلك نهار
باحضنك باستمرار
يااللي جدك هزار
ماشي ومعايا القلم
أنا حكيم سكتك
راسم بجد ضحكتك
بين شفايفي كلمتك
زارع بقلبي وردتك
كاتب بقلمي غنوتك
ماشي ومعايا القلم
رافع شعارك سلام
بحكمة عند الكلام
معلم وليا فيك مقام
علمي صاحي بالأنام
ضابط مهندس بإحترام
طبيب سهران لا ينام
ماشي ومعايا القلم
معلم بيهدي الإبتسام
بيكم نعيش بإنسجام
يحيا الوطن بالإهتمام
لو كلنا راجل المهمام
بدعيلك ربي تكون تمام
واخر كلامي ليك سلام
ماشي ومعايا قلم
