كان نفسي نتقابل
عابدين أبو الخير
كان نفسي
نتقابل فيه كلام كتير
كنت عايز
اقلهولك حتي بدون مقابل
انا مش زعلان
منك بالعكس زعلان عليك
اتسرعت
والنتيجه اية عكس كل توقعاتك
راهنت تكسب
نفسك
حتي لو هتخسر
كل الناس
واول حاجه
خسرتها كرامتك
وبقيت عويل
تحت المداس تنداس
الدنيا بتدي
دروس بالمجان وبتعلم
وانت قولت
ادوني فلوس وانا هتعلم
ايه النتيجه
القلم علي خدك لسه معلم
ووخدها فهلوه
ولسه فيك حيل تتكلم
اشرب بقي
وولول واشتكي
واصرخ بأعلي
صوتك وإنحني
هتلاقي كل
الناس بتطبطب وتواسي
وتسمع منك
وتداري الضحك الكيدي
اصلهم
هيقولوا الضحكه عليك بقرش
وانت
بنسبالهم متسواش قرش
ياما استنوك
تقع ومتقمش
اصلها لحظه
بيحلي فيها القلش
كان نفسي
والله نتقابل ونحكي
وانصحك لوجه
الله وارضي ضميري
واكونلك اخ
وسند يخاف عليك
لكنك معزور
مكنتش شايف قدامك
الغشاوة كانت
عامية عنيك
والغرور زاد
وغطي عليك
حاولت اوصلك
استكبرت واستعليت
وقلت مين انت
عشان ارد عليك
دا انا والله
زعلان عليك
وبدعيلك ربنا
يسامحك ويهديك
واشوفك بخير
من بعيد لبعيد
والله هفرح
بيك وهبقي سعيد
#ابن_ابوالخير
