سليم مسلم شهدى
لا تروح
إنت ترحل
و آني في دردي أطيح
هم أصيح و أستريح
و إنت تشمت
عگبها تنشد و تضحك:
مين گالك
تعشگ الزين المليح؟
و آني گلك:
ألف شكرا
يسلم الفم الفصيح
إنت تتركلي السهر
تاخذ وياك العمر
ما عدت تسأل علي يا گمر
آني يسكنني القهر
آني نخلة و انت ريح
إنت هزيت العثگ
و آني واگع بالعشگ
انت توچل كل ثمر
من هوى گلبي الذبيح
باچر الدنيا تدور
باچر تكل لي أزور
مين تزور؟
تفتر الدنيا عليك
باچر تگل لي حسافة
مو بيديك
إن اشتاگيت شوفتي گوم و
تعال
عجل و باوع عليا يا غزال
تلگى گلبي
ساكن بجوا الضريح
انت هالنوبة تصيح
و آني گلبي مستريح.
سليم مسلم شهدى
***********************
***********************
