حامد حبيب
علّمتُه
علّمتُه يِرمِى قام رَمى
لمّا رمَى...... صوَّب رمانى
علّمتُه يكتب قام كتب لمّا
كتب ... قلمُه هجانى
ورّيتُه سِكّة قام مِشى لمّا مِشى سابنى ف ثوانى
::::::::::::::::::
ودا
كان جزاتى يازَمن
وهوّا ده كان
التّمَن
الشهد بايدى اسقيه لُهُم
يسقونى بإيديهم مِحَن
عليه العوض منّه العوض مولايا
ولايوم ينسانى
:::::::::::::::::::
عالَم
غريبة الأيّام دى
تاخُد ولاتحبّش تدّى
وتحِب ناس تخلص ليهم يقتلوا
حلمك الوردى
ع المُرّ
منهم... أنا صابر
حابِس آلامى ف وجدانى
::::::::::::::::::
كلّ أمّا اسقيه يطمع فيّه وبكُل عشمه يقول تانى
أسقيه ولا ابخل
وبحبُّه واقول دابكره ماينسانى
لمّا ارتوى سابنى وفاتنى وعطشت ولا مرّة سقانى
::::::::::::::::
