حامد حبيب
آدم
آدم وشُفتُه حزين
راجع وكلّه أنين
بيمُرّ بين الناس
ودمعه ع الخدّين
ولادى إيه اللى صابهُم
بقوا كده قاسيين
...........
شاف الميزان مغشوش والزيف على
الوشوش
وقسوة ويّا خصام
وقطيعة ...... للأرحام
أهو ده سبب شقاكُم
ياويلكوا يوم الدين
.............
إخوات بلا حنان
إزّاى هييجى أمان
مفيش صلة أرحام وكل يوم....... آدان
بينادى ع الفلاح
ولاعادوا لُه سامعين
...............
منين هييجى فلاح
أو حتى ييجى صلاح
مادمتوا م الحرام
حملتوا منُّه سِفاح
ياربى ..... أعمل إيه فى اولاد
بقوا عاصيين
................
رِبا ......قبلتوا وكلتوا فى اخواتكوا حتى قتلتوا
أعراض وفيها نهشتوا ع الشرع
حتى دهستوا
إزّاى
خالقكوا هيِقبَل دُعا................ورفع يَدِين؟
................
خلّوا
حداكوا حياء مِن
رافِع السماء
ياقلوب ماتختشيش متساقة بالأهواء
ماتصحوا بقى لِلّه
لِلّه ......ياغفلانين
...............
بقى
الحياء..... محذوف فى العطف والمعطوف
مِن
كُتر ما بنشوف
آدم طاطا فى كسوف
فجأة
اختفى فى منامى آدم وقلبُه ......حزين
_______________
حامد حبيب _مصر
