حامد حبيب
ياقطر العُمر
ياقطر العُمر
واخِدنا ورايح فين
مودّينا
على أفراح..على
أحزان فى أىّ طريق طاير بينا
فى كل محطّة
نتعشّم نقول رسيت
مراسينا
نلاقى الغدر
مستنّى نلاقى الفرح
ناسينا
ياقطر العُمر
سافرنا تعِبنا م الأسفار
وزاد الصبر فينا
مرار
ونحلم كلّ يوم أحلام
نلاقى الجنّة صبحت نار
وانت ياقطر
بتعدّى وتحدف ع الطريق أعمار
لاشُفنا مرّة لحظة
نور ولا اتصافِت ....... ليالينا
ياقطر العُمر
***********************
***********************
