Fatbardha Berisha Budini
Titulli: Përse.
Në heshtje jam tani duke menduar,
shumë shpejtë dita është duke u larguar,
dhe nata me errësirën e saj është duke u afruar,
Me re të zymta,qielli është i gjithi i mbuluar,
dhe tokën lagështia e shirave e ka pushtuar.
Kam një qetësi brenda vetes time,
që më bëjnë të më vijnë në kokë qindra mendime,
Përse vallë është kaq e egër jeta?
përse shumë gjëra bëhen të padrejta?
Përse ka kaq shumë dhimbje dhe kaq shumë lot?
Përse disa njerëz kësaj jete nuk ia dalin dot?
Përse disa njerëz janë të mbytur në varfëri dhe trishtim?
Përse për ta ska një ditë të bukur të mbushur me gëzim?
Përse disa njerëz janë tepër të lënduar?
Përse jetën e tyre janë duke e mallkuar?
Përse shumë sfida vetëm i drejti është duke i paguar?
si çmim i kësaj jete, që shumë i ka shkatërruar.
Përse disa qeshin me zë të lartë?
Përse disa e kalojnë jetën vetëm duke qarë?
Përse të mos jemi të gjithë të barabartë?
Fier/23/1/2023
Albania
Autore: Fatbardha Budini.
أكتب تعليق