الشاعر خالد كرومل
أنا العاشق
بقلم خالد كرومل ثابت
عــــــــــــــــــــــامي
أنا المسيحي المرنم بحروف إنجيلي
المسلم المؤمن بقرآن وديني
أنا المصري أنا الحضارة وأنا الساطع
أنا العابد في نهاري وليلي
أنا الفلاح الراوي بدمي قناديلي
أنا الزرع الطارح بأجمل قناديلي
أنا الهرم وأنا السد وفي وقت الجد
راجل صلب وسد في النار تلاقيني
أنا خير أجناد الأرض بالإسم تناديني
تهرب كل جنود الأرض لو في يوم تناديني
أنا الدبابة والمدفع أنا الطيار في السما صقر
أنا حورس الشمس أنا الكاهن بحمي قرابيني
أنا عاشق وبحبك ولحضنك ضميني
أنا ابنك وحبك في قلبي يسبيني
أنا الإنسان بحب السلام في حضنك عاشق
بحبك بعشق لما أبعد في يوم تناديني
أنا النيل لما أعطش بإيدك ترويني
أنا شطك وبحرك وسورك من الشر تحميني
أنا عاشق سماك وترابك لجمالك وأرضك
وحالف يمين الله في ترابك تضميني
خالد كرومل ثابت
***********************
***********************
