نام اللي نام
و أنا لسه واقف بنتظر
فوق الرصيف
عدى الربيع من غير مايجي بوردهم
و صدمني صوتي في ردهم
وسط الخريف
الكل نام
انا لسه بمسح دمعتي على خدهم
رغم إني مش كائن ضعيف
نام اللي نام
و أنا لسه واقف بنتظر
فوق الرضيف
طال إنتظاري للوشوش الطيبين
و مفيش أمل
الليل دخل
و أنا لسه برضوا في إنتظار
مين اللي قال الناس بخير
كل الوشوش إتجمعت من غير ضمير
كل الأيادي إتجمعت بتشد على إيد الفقير
الليل دخل
نام اللي نام
مافضلش غير واحد ضعيف
واقف قصادي ع الرصيف
و أنا لسه واقف بنتظر
أشرف كردي
***********************
***********************
