من أحاديث النفس :
من مصنّف لى بعنوان [[ قصص وأقاصيص ]] أقتطف للقاريء الكريم :
[[ هى وصلت لكدا ؟؟؟]] :
*********************
ميهوب أبو الناظر ،،، لم يدخل مسجدا طوال حياته
إلا فى صلاة الجنازة على أبيه ، مرة ،،،،،،،،،،،،،، والثانية ، وهى المرة الأخيرة
، كانت فى صلاة الجنازة على أمه ،،،،،
ميهوب أبو الناظر ،،، لم يترك شيئا من الموبقات
لم يمارسه ،،،
ميهوب أبو الناظر ،،، غالبا ،، لا يرجع إلى بيته
إلا عائدا من ماخور أو صالة قمار ،،
ولا يأوى إلى فراشه إلا مخدرا مخمورا ،،،
زوجته كانت من الصابرات ،،، تعرف ذلك عنه ،،
وتتمنى أن يتوب الله عليه من قريب ،،
أحد أفراد شلته طلبها فى التليفون ذات يوم :
هو ـــ السلام عليكم ورحمة الله وبركاته ،،
هى ـــ وعليكم السلام ،،
هو ـــ سيدنا الشيخ ميهوب موجود ؟
هى ـــ الشيخ ميهوب مين ؟
هو ـــ سيدنا الشيخ ميهوب أبو الناظر ،، مش دى
نمرة تليفون بيته ؟
هى ـــ أ أيوا ،،
هو ـــ هو فضيلته موجود ؟
هى ـــ مين عايزه ؟
هو ـــ انتى بتّه ؟
هى ـــ لا ،،، أنا مرته ،،،،،،،،،،،،،،،،،، وهو
مش موجود ،،،
هو ـــ طيب يا مستورة ،، أمانة عليكى تبلغى
فضيلته ، الله يكرمه ويبارك فيه ويطول عمره ، بكرا ضرورى ما يتأخرش ، وياجى حدانا
بدرى .
هى ـــ حداكم فين ؟
هو ـــ حدانا فى نجع السقعان ،،
هى ـــ ليه ؟
هو ـــ عشان بكرة الحفلة الكبيرة للافتتاح ،،
وهو فضيلته ، الله يكرمه ويبارك فيه ويطول عمره وعدنا أنه حياجى يقص الشريط .
هى ـــ حفلة ،، شريط ؟
هو ـــ أيوا الحفلة الكبيرة ،، ومعزوم فيها
الباشوات الكبار فى المدرية كلها .
هى ـــ حفلة ،،، باشوات ،،، مش فاهمة حاجة .
هو ـــ كيف مش فاهمة حاجة يا مستورة ،، باين
عليكى مش مرته .
هى ـــ لا ،، انا مرته ،، بس مش فاهمة حاجة من
الكلام اللى بتقوله .
هو ـــ الحفلة الكبيرة دى علشان افتتاح أكبر
جامع فى النجع ، وفضيلته الله يكرمه ويبارك فيه ويطول عمره ، وعدنا ياجى يقص
الشريط ،، وكمان يخطب أول خطبة ،، وبعدين الله يكرمه ويبارك فيه ويطول عمره حيتكرم
علينا ويستفتح مجلس الذكر والحضرة .
واحنا مجهزين عجلين وتلات خرفان و100 جوز حمام ،
ندبحوهم فى الفجر ،، على الله ،، على الله يقضوا المعازيم الكبيرة اللى جاية .
هى ( بصوت منخفض ، تحدث نفسها ) ـــ هى وصلت
لكدا ؟؟؟
هو ـــ بتقولى ايه ؟
هى ( صارخة ) ـــ يا
جووووووووووووووووووووووووووووووووورى.
ومن يومها ،،،،،،،،،،،
فشل جميع المشايخ والقسس والأطباء فى علاجها من
الخرس والاكتئاب .
وميهوب أبو الناظر مش عارف السبب ،، آهــ
فتأمل .
صلاح جاد سلام
