أغنية...إنتصار رمضان
الشاعر السكندري/علي الطاووس
أغنية...إنتصار رمضان
إحنا حررنا أرضنا...
بدم جدود و أهل لنا...
في سته أكتوبر...
يوم عشره رمضان...
وده كان هو يوم عزنا...
أهالينا هجمو زي أسد...
بيحمي عرين...
فاجئو العدو...
و قالو للعالم أجمعين...
غالي قوي هو دم المصريين...
و لكنه يرخص قوي...
علشان حفنة تراب...
من علي أرضنا...
فا حفنة تراب...
ويا دعوات نسوان...
و دموع من عيون أطفال...
بالحزن علي رموشهم...
للنزول رافضين...
و كأنها بتقولنا...
حررو أرضنا...
بقي من يد اليهود...
فا قولنا كلنا...
يارب ياللي فوقنا...
أعينا و أنصرنا علي عدونا...
فا الصرخه طلعت من أرواحنا...
الله أكبر الله أكبر الله أكبر...
ليكي يا سينا جايين...
شايلين عزة مصر في أيد...
و أروحنا في أيد...
و إتسحرنا و نوينا صايمنا...
حتي زمايلنا المسيحيين...
و جت الأشاره...
فا جرينا ذي الطياره...
و حلفنا نطهر ترابك يا سينا...
و دمنا عليه يسيل...
و أبدأ لن تكون بلادنا في يد اليهود...
ده كل طفل بتحبل فيه أمه...
حبلها الثري ليه بيقوله...
ما تنزل بقي يا إبني...
و شيل السلاح بدل الشهيد أبوك...
و كتبنا بدمنا علي علمنا...
تحيه جمهورية مصر العربية...
هي تحيا و نحن فداها نموت...
و الأم الثكلى...
و الاب اللي ملت عيونه الدموع...
إنقلبت لفرحه يوم العبور...
و إحنا بنزف بيها زمايلنا للقبور...
و انفتحت الجنه تستقبل شهدائنا...
في هذا اليوم الموعود...
و زغاريت هنا و زغاريت هناك...
و شربات في صواني بيدور...
و اللي ابنه مات شهيد...
وزع في عزا إبنه شربات معقود...
و الأم إللي كانت با ابنها ثكلى...
الاهالي جتلها تبارك تجري...
و تقول ياختي ياختي...
الف نهار مبروك...
عقبال إبني أنا كمان...
ما يبقي ذي أبنك شهيد...
و يبقي زميل ابنك في الجنه...
و ربي يبنيلهم فيه قصور...
ده جيش و من وراه شعب...
كله عنده إستعداد النهارده يموت...
و يجي عيد رمضان...
و نحرر بلادنا من يد اليهود...
ده أحنا حررنا أرضنا...
بدم جدودنا و أهلنا...
في سته أكتوبر...
يوم عشره رمضان...
وده كان هو يوم عزنا...
مع تحيات شاعر الوجدان الشاعر السكندري/علي الطاووس
