الشاعر
ماهر نسيم
شهر رمضان المبارك
شهر رمضان المبارك
......
أهم حاجة تصلي على النبي
هوا ده مكسبك ومكسبي
.............
.............
ذاعوا البيان في كل مكان
وقالوا بكرة صابح رمضان
أهلاً وسهلاً ده ينور
والخير كتير والبيت عمران
والشباب علقوا زينة
في كل شارع ومدينة
أهلاً وسهلاً مرحبتين.. رمضان بنفسه عندينا
يالله يابنات هاتوا الفوانيس وانزلوا تنطيط
افرحوا غنوا يالله اتلموا وقابلوه بزغاريط
مدفع وهلال واذان طالع بيقول أنا جيت
لك وحشة والله وبعودة نورت البيت
فرح الولاد واتلموا كبار وصغار
وعملوا دايرة وبيغنوا كل الاعمار
وكل واحد بفانوسة يالله الغفار
مستني تيجي وتبوسه يالله الغفار
حلو يا حلو بعد الفطار نحلو
وقبل الفطار فية صلاة وصيام.. وبعد العشاء نتسلوا
وحوي يا وحوي إياحة
قول بالنحوي بصراحة
أيامة حلوة كلها بركة
والخير طالع بسماحة
نسعد بسعاتك يارمضان
حسين بركاتك يارمضان
حاضرين في صيامك يا رمضان
حاضرين في صلاتك يارمضان
يالله يا مسلم يالله يا مسلمة جه فرض الله
أبواب الرحمن مفتوحة في كل صلاة
قرب واسعي رحمته واسعة وأتمنى رضاه
ده اللي يصوم شهرة ويدعيله
يا بخته يا هناه
نادي للطيبين يالله.. يالله نادي للطيبين
وكل واحد في قلبه خير.. يعمل خير ليوم الدين
وخلي بالك يا صايم خلي بالك مع اليتيم
سيدنا النبي وصانا عليه ووصانا على المساكين
مؤمنين بالله
بتحبه وبنخشاه
وبنحب نبينا محمد.. سيدنا محمد رسول الله
اللي رضي ربه.. الله
وربه بيحبه.. الله
اللي بلغ الرسالة
وفي صلاتنا دايماً معانا
كل عام وحضراتكم بخير وصحة وسلامة وعافية وستر
ورضا من الله تعالى
كل عام والعالم أجمع بخير
علشان ربي رب الناس
ورب العالمين
