ذكرى وفاة الشاعر الكبير .الخال عبد الرحمن الابنودى
محمد ابو العبادى
ذكرى وفاة الشاعر الكبير .الخال عبد الرحمن الابنودى
اليوم تمر علينا ذكرى وفاة الشاعر
الكبير .الخال عبد الرحمن الابنودى ..
هذا الرجل الذى كان صاحب الفضل
انتشار العامية المصرية وجعلها تدخل كل بيت مصرى وعربى ..وبعد الله سبحانه وتعالى
هو ايضا صاحب فضل على انا شخصيا لانه هو اول من جعلنى اعتلى منصة شعر ووضعنى فى
مواجهة الجمهور وكان ذلك فى عام ٢٠٠٢ حيث التقيت به وتحدثنا قبل الامسية وطلب منى
انا اعتلى المنصة والقى قصيدة من كتاباتى ..وكان ذلك بنادى الجسرة هنا بدولة قطر
هذا النادى الذى قمت بعد ذلك باحياء خمسة
امسيات شعرية على منصته .
وكان لازما على الا انسى صاحب الفضل
الاول على شخصى وهو الخال الابنودى لذلك ارثيته بتلك القصيدة بعد وفاته وهى قصيدة
..لسة بدرى
..... ......
.......
لسة بدرى
...
الشجر دبلان بيبكى
م اللى سامعه ف الاذاعة
والمراكب جاية تجرى
نفسها يطلع اشاعة
لا ياصاحبى مش اشاعة
دا الخبر فعلا حقيقى
حلقى مر وجف ريقى
لما قالوا الخلق مات
كان يدوب لساه معدى
بس فايت من سكات
لسة احضان الحبايب
مفتوحين عشان يبات
لسة عنده المر يبقى
احلا م السكر نبات
والتفت بعين حزينة
شوفت ضل العمة يامنة
قاعدة لابسة توب حداد
انما ع البعد سامع
صوت وهيبة
واقفة تزعق ف الخلايق
وف ايديها العود ريحان
ايه جرالكوا ياناس قولولى
ليه كده صابكم الجنان
دا الهلالى ماماتش لكن
راح يجبلى البرتقال
من عيونى الدمعة فرت
غصب عنى مش بخاطرى
ليه تسيبنا ياخال وترحل
ليه ياخال دا لسة بدرى
قلبى حس كانى ماشى
والهموم قطملتى ضهرى
غصب عنى عينى غفلت
جانى جوة الحلم يجرى
قالى ياشاعر اوعى تبكى
واوعى تقصف لحظة قلمك
ارفع الراية بيمينك
وف وريدك دارى قلمك
غنى للافراح غناوى
غنى مهما الحزن غلبك
قولت عاجز
قالى امسك
راية الشعر العفية
خلى شكل الورقة دايرة
خلى قلمك بندقية
رح تصيب بالكلمة هدفك
بس دايما خلى قلبك
عود ف قلب الغيط خضار
راح تدوس الصحرا تصبح
من كلام قلبك عمار
قولت محتاجلك ياخال
قاللى عيش يا ابنى يومك
واغسل الجو العفار
قولت محتاجلك ياخال
انت اليوم بتاعك
اما انا ..
عدا النهار
محمد ابو العبادى
