عملنا للألسنة رصد
زغلول البطوطى
عملنا للألسنة رصد
عفويا و من غير قصد
لقيناها فنانة فى النقد
بس فيه فرق و استثناء
نقد هدام مش نقد بناء
النقد البناء أكيد مطلوب
لأن كلنا أكيد فينا عيوب
و النقدالبناء بأسلوب محبوب
بأدب و لين فيوصل للقلوب
من غير تجاوز و أسلوب معيوب
فبعد الرصد لقينا النقد الغالب
نقد هدام مليان إساءة و متاعب
و سباب و سخرية و مصاعب
و الهدف هو الانتصار فى الملاعب
ملاعب الهدم و الانتصار للذات
أصل الحب اختفى و الاحترام مات
نقد هدام هدفه إسقاط الأشخاص
دلأ العسل على الأرض و كسر البلاص
نقد هدام بياخد لايكات و الكل هاص
كبر دماغك ع الأخر كلام الناس مالوش أساس
أهالينا زمان قالوا مثل يملى القلب قبل العين
ما لقاش فى الورد عيب قال ده أحمر الخدين
فما تستغربشى لما حد يسئ لعود الحرمين
و ما تستعجبشى لما حد يهاجم المرسيدس سى200
و ما تتألمشى لو لقيت اللى بيتريأ على الرينو
ميجان
و ما تحزنشى لو صادفك اللى بيكره شارع المعز و
الحسين
و ما تفكرشى ليه فلان بيكره اسكندرية و مرسى
مطروح و العلمين
و قول بملء الفم الأدب و الاحترام و النقد
البناء راحوا فين ؟؟؟
و معاهم الذوق و الإنسانية و مراعاة المشاعر و
الأخلاق الزين
و فى النفس الوقت فيه برده فى الواقع نقد بناء و
صور مضيئة
بس للأسف الشديد قليلة أو نادرة جدا و ماشية
بسرعة بطيئة
عامة الله المستعان على أوضاع خلت الحليم حيران
يا بخت اللى بيكبر دماغه و عمل للتجاهل رحلة طيران
زغلول البطوطى
